KORONADAL CITY- Padayon tubtub sa karon ang kahangawa kag kabudlay nga nabatyagan sang pungsod Hongkong bangud sa padayon man nga surge sang Covid-19 nga ila naeksperyensyahan sa ila nga lugar.
Ini ang ginpahayag ni Ms. Jho Apura Lim, Bombo International News Correspondent sa Hongkong sa interbyu sang Bombo Radyo Koronadal.
Suno sa iya, padayon nga nagapakigbato ang Hong Kong sa ika-lima nga wave sang COVID-19 surge.// Masobra 60,000 na ang panibag-o nga kaso sang infection ang napagkit sa Hong Kong kada adlaw.
Bangud sa sini nga pangahalitabo nga nagpadulong na sa iban nga pungsod ang iban nga mga OFW’s makaligad ang pila ka bulan nga wala pa nakabalik sa ila nga trabaho sa nasambitan nga pungsod.
Ginpahayag pa niya nga siya mismo ang nangin positibo man sa nasambit nga balayian.
Gindugang pa sini nga nagluntad kag naglala ang ini nga virus bangud naman sa mga nagapositibo sa covid-19 nga indi bakunado kag kadamuan sini amo ang mga katigulangan nga kalabanan nga nagkalamatay na lamang sa mga balay bululngan.
Sa karon padayon ang restrisksyon sa ila ng lugar, ilabi na ang pag limita sa mga tao sa pagpadulong sa mga pampubliko nga lugar, pagpaaga pasara sa mga establisyemento kag mangin mga malls kag mga karan an.
