KORONADAL CITY – Nagapati ang linyada sang 6 Infantry Division ,Philippine Army nga magahina na ang kapaiblidad sang mga katapo sang Daulah Islamiyah kadungan man sang pagkapatay ni Salahuddin Hassan alyas Orak, overall Amir ng Daulah Islamiya – Philippines kag asawa sini nga si Jehana Minbida, nga naga tindog nga Finance Officer sang Daulah Islamiya.
Ini ang nangin pahayag ni Lt.Col. John Paul Baldomar,tagpamaba sang 6th ID Philippine Army sa eksklusibo nga interview sang Bombo Radyo Koronadal.
Suno sa opisyal, posible nga ma-dis-array ang mga nabilin nga myembro sang ila nga grupo nga madugay na nga luyag bungkagon sang mga katapo sang mga otoridad.
Dugang pa ni Baldomar, naga amat-amat nga naga luntad ang leadership vaccuum sa grupo kag posible nga wala pa sang manindog katal-os sang nagtaliwan nga lider sang grupo.
Suno pa sa opisyal, madugay na nga ginapangita sang mga otoridad si Hassan kag bangud sa bulig sang mga residente sa lugar, tigayon nga natuntun sang mga otoridad ang ginapanaguan sang mga ini kag napatay ang Amir sang grupo.
Naga padayon naman ang panawagan ni Baldomar sa mga residente nga padayon nga pagpakig-angot sang mga sibilyan para sa posible pa nga pagtapna sa mga nabilin nga mga miyembro sang Daulah Islamiyah.
