KORONADAL CITY – Posible suno pa nga mas hugot nga konsepto sang Sharia, ukon Islamic law ang plano nga ipatuman sang Taliban sa Afghanistan sa tion nga pormal na nga pagadumalahon sang mga ini sang nasambit nga pungsod.
Ini ang nangin pahayag ni Sultan Mutalib Sambuto, Chief of Muslim Affairs sang South Cotabato sa interview sang Bombo Radyo Koronadal.
Suno sa iya, dako ang posibilidad, nga mabug-at nga sahi sang mga penalidad sa mga sala sang mga residente ang posible nga e-imposar sang grupo nga tuman ka layo sa Sharia nga gina usar sang Pilipinas.
Dugang pa sini, gina usar man ang Sharia sa aton nga pungsod para sa mga muslim apang bangud gin sagolan ini sang pang demokratiko nga sahi sang pag solbar sang sala ang gina usar sa mga Muslim nga pinoy, mas mag-an ang mga penalida diri kumpara sa plano nga iga-imposar sang Taliban.
Suno pa sa iya, mahimo nga pila sa mga mabug-at nga penalidad amu ang “stoning” ukon pag-utod sang tudlo sa kamot ukon kamot gid mismo ang utdon.
