KORONADAL CITY – Gina preparahan na sang Department of Health Region 12 ang pag-abot sa Delta variant sang Covid-19 pasulod sa bilog nga Socksargen Region bangud sa pagsaka man sang mga numero sang naga balatian sa Pilipinas labi na NCR.
Ini ang nangin pahayag ni Arjohn Gangoso, Health,Education and Promotion Officer sang DOH -12 sa interview sang Bombo Radyo Koronadal.
Suno sa opisyal, pinaagi sa pagpatuman sang basic health protocol kag madasig nga vaccination batok sa Covid-19 labi na sa mas makalalaton nga Delta variant nga yara na sa pungsod// Isa man sa problema sa subong sang ila nga talatapan ang mahinay nga roll-out sang bakuna sa Rehiyon.
Sa subong, nangin mapinasalamaton man ini bangud wala pa sang napagkit nga kaso sang Delta Variant sang Covid-19 nga nakasulod sa Rehiyon.
Samtang kabug-usan nga 514,624 na ka mga doses sang bakuna ang na-usar sa rehiyon, kun sa diin 237,733 doses diri ang nabakuna bilang 1st dose samtang 277,251 naman ang gin bakuna bilang 2nd dose.
