KORONADAL CITY – Indi sa gihapon makapati tubtub subong ang mga kapamilya, himata kag kakilala sang isa sa mga biktima sa pagtibusok sang C-130 Hercules sa area sang Patikul, Sulu nga si Lt. Sheena Alexandrea Tato nga isa ka Ilongga Military nurse kag naga puyo sa Davao City.
Ini ang sandig man sa pahayag sang Tiyu sini nga si Retired Col. Raul Miramon, CSU Head sang Koronadal sa interview sang Bombo Radyo.
Suno kay Miramon, halos indi ini makapati sa natabo sa iya nga hinablos bangud tuman pa ka lamharon si Rhea para kuhaon sang mahal nga makaako.
Dugang pa ni Miramon, “burned beyond all recognition” si Lt. Sheena Alexandrea Tato nga isa sa masakit para sa ila nga pamilya kag nakilala gid laman ini pinaagi sa iya nga Dog tag.
Pahayag pa ni Miramon, wala dapat nakasakay si Lt. Sheena Alexandrea Tato sa nagtibusok nga C-130 Hercules apang gin himo ini nga substitute sang isa man ka nurse nga wala nadayon sa pagsakay kag maga serbi sang 2 ka bulan bilang isa sa Military nurse Corps. sa Brgy.Busbus,Patikul,Sulu nga malapit lang sa Brgy.Bangkal.
Sa subong, yara ang lawas ni Lt. Sheena Alexandrea Tato sa Zamboanga Air base kag ginahulat nalang nga idal-on sa puluy-an sini sa Davao City.
