KORONADAL CITY – Patay ang isa ka persona makaligad nga ginluthang ini sa bahin sang Sitio Matinong, Brgy Little Baguio ,Surallah South Cotabato.
Ini ang ginkumpermar ni PLT JACQUILINE DERLA sang Surallah PNP sa ekslusibo nga interview sang Bombo Radyo Koronadal.
Gin kilala sini ang biktima nga si Richel Berden Rubio, 33 anyos, kag residente sang Brgy. Laconon, T’boli, South Cotabato.
Nag guwa sa imbestigasyon sang mga kapulisan nga naga nalantaw lamang sang videos sa iya nga cellphone ang biktima kaupod ang iya nga live-in partner sini sa kusina sang iya nga abyan sang may nabatian sila nga lupok halin sa likod nga bahin kag pag atubang sang biktima , ginluthang ini sang suspek sa bahin sang ulo usar ang wala pa mahibaluan nga sahi sang aramas luthang.
Dead-on-the-spot ang biktima makaligad ang pagpangluthang samtang madasig naman nga nagpalagyo ang suspek makaligad ang pagpangluthang.
Sa subong persons of interest sang mga kapulisan sa natabo nga krimen ang amay kag utod sang ka live-in partner sang biktima bangud naga pamalabag ang mga ini sa pagpalangga-ay sang duha.
Nahibaluan nga dati na nga nakabaton sang pagpamahog ang biktima halin sa mga suspek nga sa subong ginalagas na sang mga kapulisan.
