KORONADAL CITY – Patay ang isa ka persona matapos nga utason niya ang iya nga kaugalingon sa bahin sang Sitio Tablogan, Barangay Aflek banwa sang T’boli South Cotabato// Ini ang ginkumperma ni PSSGT Ryan Calderon sa ekslusibo nga interview sang Bombo Radyo Koronadal.
Sandig sa imbestigasyon sang opisyal, nakainum suno pa ang biktima sang nagligad nga gab i kag nanghulam pa sang cellphone sa iya nga utod para magchat sa iya nga nobya apang wala siya ka gipahulam sini amo nga nagtulog na lamang ini.
Apang alas 3 sang kaaganhon nabatyagan nila nga nagbangon ang biktima kag hindi nila bal an kung diin siya nagkadtu kag ano ang iya ginhimo.
Pagkaaga,takna 5:30 base suno pa sa iloy sang biktima sa mga kapulisan, nakita sini nga may yara sang tawo nga nagabitay sa puno sang lubi, apang tuman na lamang ang iya kakibot sini nga ang iya nasapwan amo ang iya nga bata.
Dugang pa sang opisyal, nakabatayag suno pa ang biktima sang depresyon nga posible nga mangin rason sa iya nga paghikog.
