KORONADAL CITY – Yara na sa kustodiya sang Koronadal City PNP ang suspek sa brutal nga pagpatay sa 55 anyos nga negosyante sa Purok Garcia, Barangay Rotonda, siyudad sang Koronadal.
Ini ang ginkumperma ni Mayor Eliordo Ogena, sa interview sang Bombo Radyo Koronadal.
Ginkilala ang suspek nga si Clint Peñaranda Caligdong, 21 anyos laborer kag residente sang Purok Kahirup, Brgy. Sto. Niño, Koronadal City.
Naaresto ang suspek sa isa ka buy-byst operation sa Purok Poticar, Brgy. GPS, Koronadal City, kahapon sang hapon.
Nakuha man sa suspek ang cellphone sang biktima kung sa diin gin ako man sang suspek nga siya ang may kahimoan sa nasambit nga krimen.
Natumod ang suspek bangud sa mga ebedensiya nga natipon sang pulisya.
Madumduman nga nasapwan na lamang nga wala na sang kabuhi sa sulod sang iya nga puluy an ang biktima nga si Carolina Fuentes nga nakaagom sang 37 ka buno sa nagkalain lain nga parte sang iya nga lawas sang Hunyo 19,2021.
Natukiban nga ginkawatan sang suspek ang biktima sang P1,000 apang nakabugtaw ini raso kung ngaa ginbuno niya ini asta nga napatay.
Sa subong, makabig na nga hustiya ini para sa himata sang biktima sa pagkaaresto sang suspek.
