KORONADAL CITY – Ginkasubo sang Barangy Kapitan sang Barangay Daguma ,Bagumbayan ,Sultan Kudarat ang napagkit nga danyos sa nagluntad nga malapnagon nga pag baha sa ila nga lugar kun sa diin nangin apektado ang 1000 ka mga pamilya sa 3 ka barangay sang banwa sang Bagumbayan ,Sultan Kudarat.
Ini ang nangin pahayag ni Kapitan Merilo Cordero sang Daguma ,Bagumbayan ,Sultan Kudarat sa interview sang Bombo Radyo Koronadal.
Suno sa opisyal , may mga dato naaman sila nga gina uyatan angot sa pila ka mga apektado sang tubig baha sa diin, nag abot na sa kabug-usan nga 62.5 hectares sang palay nga naga balor sang halos 1 ka milyon ang ginpahapa sang baha,70 hectares naman nga naga balor sang 1.4 million ang danyos sa corn production, 20 ka hectares sang puno sang goma ang apektado, P 50,000 nga danyos sa fish pond samtang nakapagkit naman ang Municipal Engineering office sang BAgumbayan sang 53 ka mga naapektuhan nga mga puluy-an nga naga balor sang 5.4 million pesos , sa bug-usan nga danyos, yara sa halos 7,865,000 pesos ang kabug-usan nga danyos sa palangabuhi-an kag agricultura ang ila nga napagkit.
Sa subong naga padayon pa ang pagpanglimpyo sang pila ka mga pumuluyo sa mga rurok nga naanod sa ila nga tagsa -tagsa ka mga puluy-an.
