Nagalab-ot sa 19, 747 ka mga pamilya sa rehiyon dose ang apektado sang pagbaha tungod sa pagbubo sang mabaskog sang ulan halin sang Oktubre 13 tubtob kahapon nga adlaw base sa datos sang Office of the Civil Defense ukon OCD 12.
Sa nasambit nga numero 909 ang nagbakwit nga ang pipila ang nagtinir temporaryo sa ila mga himata.
Suno kay OCD 12 Information officer Jorie Mae Balmediano ang mga apektado nga residente ang halin sa syam ka mga banwa sa probinsya sang Cotabato kag President Quirino sa Sultan Kudarat.
Samtang sa subong suno pa ang pipila ka lugar sa Cotabato province ang lubog sa gihapon sa tubig baha kapareho sang Pikit, Kabacan kag M`lang.
Ginkumpirmar man ni Balmediano nga gilayon naman nga naghatag sang ayuda ang mga local government units sa mga apektado nga residente sang pagbaha.
Apela naman sang pamunuan sang OCD 12 sa mga pumuluyo nga mangin alerto, hibaluon ang mga dapat himuon kag mamati sa mga barangay officials ilabi na sa subong nga panahon sang pandemya.
