KORONADAL CITY – Temporaryo nga ginkanselar ang tanan nga non essential activity sa Colombio, Sultan Kudarat.
Sa interbyu sang Bombo Radyo Koronadal kay Datu Zahir Mamalinta, Municipal Councilor sang Colombio Sultan Kudarat, ginkanselar nila ang ila mga tourist destinations sa Colombio bilang pagsunod sa quarantine protocols.
Buot silingon indi anay mahimo nga makabisita ang mga turista bangud sa ginpahugtan pa nga chekcpoints sa ila mga border sa nasambit nga lugar.
Ginpaklaro man sini nga apesar sakop sila sa gihapon sang Modified General Community Quarantine apang may mga bahin sa Sultan Kudarat nga ginbutang sa ECQ makaligad nga nakapagkit ang ila nga lugar sang dugang nga nalatnan sa balatian nga Covid-19.
Sa pihak nga bahin nagapadayon ang ila nga talatapan sa pag baton sang mga Locally Stranded Indibidwals LSIs kag ROs apang mas hugot ang ginapatuman nga mga pagsulondan bangud nagadamo sa gihapon ang numero sang Covid-19 sa nasambit nga lugar.
Panawagan sini sa iya nga nasakupan nga magsunod sa quarantine protocols agod indi mangin problema sa dalagan sang seguridad ilabi na tuman ka seryoso ang Covid-19 nga balatian.
