KORONADAL CITY – Ginpakigbahin ni OWWA-12 Regional Director Marilou Sumalinog nga yara na sa kapin 1,300 ka mga returning OFWs ang nakabalik na sa rehiyon 12.
Ginpahayag sang opisyal nga kabug-osan nga 1,290 ka mga kasimanwa ang nakabalik na halin sa iban nga lugar makaligad nga ginsugat ang mga ini halin sa Cagayan de Oro, Davao kag Gensan.
Suno kay Sumalinog, ang ila talatapan mismo ang nagabayad sa pag-test sa mga OFWs kun magaabot sila kaupod ang Philippine Red Cross.
Wala suno pa sila sang problema sang repatriation ukon pagpauli sa mga OFWs, apang nakaangkon lamang sang isyu sa pagpasulabi sa mga ini bangud luyag sang mga ini nga magpauli kag mauna sa listahan.
Sa pihak sini, nagalaum sila nga madugangan pa ang mga magaabot nga mga OFWs halin sa iban nga pungsod.
