LAKE SEBU, SOUTH COTABATO – Panibag-o nga grupo naman sang mga rebelde ang nagsungka kaupod ang sub-commander sang New People’s Army sa Brgy. Ned Lake Sebu, South Cotabato.
Sa ginpatigayon nga seremonya ginsaksihan sang mga otoridad kag mga LGU opisyal, ginsungka sang mga ini kaupod sang mga underground group sang Militia ng Bayan ang ila nga armas kag ginsunog man ang communist flag.
Sa interbyu sang Bombo Radyo Koronadal kay South Cotabato Police Provincial Director Col. Jemuel Siason, kagutom kag kakapoy bangud sa mga operasyon sang otoridad ang nagtulod sa ila nga magpanaog kag magpanibag-o sang kabuhi.
Dugang pa ni Col. Siason nga magluwas sa monetary assistance kag mga relief goods halin sa gobyerno, ang mga surrenderees ang makabaton man sang mga grants halin sa Enhanced Community Local Integration Program sang gobyerno.
