KORONADAL CITY – Nakapagkit sang pinakalamharon nga casualty ang rehiyon 12 bangud sa ginapatihan nga kaso sang coronavirus disease 2019.
Base sa pinakaulihi nga datos nga ginpaguwa sang Department of Health Region 12, isa ka 1 anyos nga lalaki ang ginbawian sang kabuhi halin sa
Sultan Kudarat sadtong Mayo 20.
Suno sa DOH, nangin kabangdanan sang kamatayon sang nasambit nga biktima amo ang pediatric community acquired pneumonia high risk with hypoxia.
Sa subong ginahulat pa ang resulta sini halin sa lab test kun positibo ukon negatibo bala sa covid-19 ang nasambit nga lapsag.
Base sa ila tracker kahapon, yara sa 23 na ang kumpirmado nga kaso nga napagkit sa bug-os nga rehiyon kun sa diin isa ang napatay samtang 14 naman ang nakarekober.
Samtang yara sa 34 ang ginbawian sang kabuhi, nagapabilin sa ospital an 71; 129 ang discharged kag 276 naman para sa mga suspected cases.
Nagapabilin naman sa tatlo ang napagkit nga napatay sa probable cases nga lunsay nagikan sa South Cotabato.
