KORONADAL CITY – Aminado subong ang Integrated Provincial Health Office sa probinsya sang South Cotabato nga nagaproblema sila sa pagtumod kun may yara na bala sang local ukon community transmission sa probinsya.
Kasunod ini sang liwat nga pagkapagkit sang probinsya sang South COtabato sang panibag-o nga kaso sang covid-19 kun sa diin natumod ang confirmed case sini sa banwa sang Polomolok.
Suno kay IPHO chief Dr. Rogelio Aturdido Jr, magluwas sa sini nga isyu, ginpakigbahin man sini nga nagapangabudlay ang municipal health office sang nasambit nga banwa kun may travel history ang 25 anyos nga lalaki nga nalatnan sang covid-19.
Apesar wala suno pa sang travel history ang pasyente, indi man sila makadihon sang konklusyon kun may presensiya na gid bala sang local ukon community transmission sa probinsya.
Bangud sini, nagalaum siya nga kuntani matigayon na ang pag-abot sang covid testing lab agud maka-mass testing na nga ginbase sa criteria sa provincial government sandig sa ginapatuman nga protocol sang Department of Health.
