KORONADAL CITY – Ginkalipay ni City Treasurer Marloun Gumbao nga madamo nga mga benepisyaryo sang social amelioration program ang nag-waive ukon nagbalik sang ila tagsa ka mga benepisyo agud itanyag sa mas nagapanginahanglan sini.
Suno kay Gumbao, yara sa P2 milyon ang kabug-osan nga balor nga ginbalik sang mga tawo humalin sang nag-umpisa ang pagpanagtag sang nasambit nga benepisyo.
Kadam-an suno pa sa mga nagbalik sini amo ang mga persona nga may ikasarang sa kabuhi kag mga senior citizen nga may yara sang pension.
Bangud diri, naglab-ot sa P23,955,000 ang kabug-osan nga kwarta nga ila ginauyatan subong, kag plano sang iya talatapan nga maghimo sang bag-o nga payroll agud hatagan naman yadtong mga wala natagtagan sang P5,000.
Samtang ginpahayag man sini nga bahala na suno pa ang DSWD sa paghimo sang aksyon yadtong mga nagbaton sang benepisyo apang indi kwalipikado.
