KORONADAL CITY -Nagalab-ot na sa lima ka persons under investigation (PUI) ang napagkit nga patay sa rehiyon 12.
Base sa datos nga ginpaguwa sang Department of Health kahapon, Marso 25, isa ka 30 anyos nga babae halin sa General Santos City ang panibag-o nga casualty kun sa diin kabangdanan sang kamatayon sini amo ang acute respiratory failure secondary to community acquired pneumonia high risk stage 4.
Tubtob sa subong ginahulat pa ang resulta sang laboratory test sini kun positibo bala ukon negatibo sa coronavirus disease.
Magluwas diri, nagapanawagan naman si DOH-12 Health Education and Promotions Officer Arjohn Gangoso sa interbyu sang Bombo Radyo Koronadal sa mga nagapalapta sang mga sala nga impormasyon nga untatan na ang ginhimo bangud ginalapas nila ang kinamatarong kag privacy sang pasyente.
Madumdoman nga tatlo ang kumpirmado nga kaso sa rehiyon 12 kun sa diin na-discharge na sanday PH145 kag PH599 kag kasamtangan nga naka-home quarantine, samtang napatay naman ang 87 anyos nga lalaki nga si PH600 sa bahin sang probinsya sang Sultan Kudarat.
