KORONADAL CITY -Direkta nga ginpatutsadahan sang isa ka Pinoy nga nurse sa California, USA nga isa suno pa ka buang si US President Donald Trump.
Sa ekslusibo nga interbyu sang Bombo Radyo Koronadal kay Peter Arvin Jabido nga kasamtangan nga nagaobra sa isa ka pribado nga ospital sa nasambit nga estado kag tumandok sang Brgy. Zone 4, Koronadal City nga wala suno pa sang bili ang mga ginahambal ni Trump sa Estados Unidos sa atubang sang krisis sang coronavirus disease.
Suno kay Jabido, madamo nga estado ang indi kuntento sa pagdumala ni Trump base sa manubo nga performance rating sini sa mga Amerikano.
Samtang ginpakigbahin sini nga kulang sila subong sa mga kagamitan kag personal preventive equipment (PPE) bangud sa nasambit nga health crisis.
Ginpahayag sini nga duha ka facemask kada nurse kag doktor ang ila ginausar kun sa diin gina-recycle lamang nila ang mga ini.
Ginaproponer man ni Jabido nga pagausaron ang mga hotel sa nasambit nga estado agud butangan sang mga pasyente kun puno na sa mga ospital..
Bangud diri, kasubong sa Britanya, ginapangayo man ang bulig sang mga retirado nga doctors kag nurses nga buligan sila sa pagpakigbato batok sa virus.
Mangin ang mga bag-o nga graduate nga mga medical students ang dapat man suno pa nga ipasulod gilayon sa nasambit nga giyera agud madugangan ang ila workforce.
