KORONADAL CITY – Target subong sang pungsod Singapore nga malab-ot ang zero-casualty target angot gihapon sa coronavirus issue.
Ini makaligad nga nakapagkit na ang nasambit nga pungsod sang 18 ka kaso.
Ginpahayag ni Bombo International correspondent Marjorie Estoque nga nagapadayon man ang pagpaninguha sang gobyerno agud ma-trace ang mga persona nga posible nakaatubang sang 18 ka persona nga kumpirmado sa nasambit nga kaso.
Ini bangud nagguwa sa datos sang Ministry of Health nga 251 ang natumod nila nga nakaangkon sang contact sa mga may kaso sang coronavirus.
Dugang pa ni Estoque, business as usual ang sitwasyon sa mall kag sa mga merkado apang ginadiretso na sa ospital ukon gilayon na gina-quarantine ang mga indibidwal nga may hilanat.
Mangin ang mga buluthoan sa pag-abri sang klase sini ang nagahimo man sang paagi agud maproteheran ang ila mga estudyante kasubong sa pagbutang sang mga sticker agud matumod kun healthy ukon may hilanat ang isa ka estudyante halin sa ila mga puloy-an nga igapaidalom naman sa checkup.
