LAKE SEBU, SOUTH COTABATO – Kahimuan suno pa sang mga rebelde nga NPA ang panibag-o nga landmine explosion sa banwa sang Lake Sebu, South Cotabato.
Sa eksklusibo nga interbyu sang Bombo Radyo Koronadal kay Lake Sebu Mayor Floro Gandam, posible suno pa ginlubong sang mga myembro sang Platoon West Guerilla front Musa sang Communist Party of the Philippines-New Peoples Army ang nagsigabong nga landmine sa may bukid sa bahin sang Barangay T’kunnel Lake Sebu, South Cotabato.
Ginapamunuan suno pa ni alias Billy ang nasambit nga rebelde nga grupo.
Nahibaluan man nga nagsigabong ang landmine nga may kalayuon lamang nga pulo ka metros halin sa tropa sang mga suldado samtang pabalik saila patrol base makaligad magpatrolya sa nasambit nga lugara.
Wala man sang napagkit nga pilason sa nagluntad nga landmine explosion.
Apang, narekober man sa ginpatigayon nga clearing operation sa lugar ang isa pa ka wala nagsigabong nga improvised explosive device o IED.
Sa subong, ginpahugtan pa sang kapulisan ang seguridad sa banwa bangud sa panibag-o nga pagsigabong
