KORONADAL CITY – Ginpasiguro sang Overseas Workers Welfare Administration (OWWA-12) nga magapanabat ang mga naulamid sa pagkapatay ni Jeanelyn Villavende agud mahatagan sang hustisya ang nasambit nga biktima.
Ini makaligad ginpahayag sang tiya sini nga si Nelly Padernal nga wala suno pa gin-aksyonan sang recruitment agency ang natabo kay Jeanelyn.
Sa interbyu sang Bombo Radyo Koronadal kay Christine Sison, OIC-regional director sang OWWA-12, ginpahayag sini nga natalana nga maghimo sang panaysayon si Padernal agud himoon nga balasehan sang report sa Manila kag sa ipatigayon nga imbestigasyon kun may kapaltahan ang 5-Star recruitment agency.
Suno kay Sison, indi dapat suno pa isa lamang ka tawo ang dapat manabat sa pagkapatay ni Villavende.
Samtang indi pa siya makahatag sang komento kun may salabton man ang Kuwaiti government sa nadangtan sang OFW, base naman sa kasugtanan nga ila ginpirmahan kaupod ang Pilipinas sadtong Mayo 2018.
Madumdoman nga ginmaltrato kag dyutay lamang ang sweldo nga ginahatag kay Villavende, kag ginkumpiskar man ang iya cellphone, tubtob sa ginhanot suno pa sang iya agalon ang ulo sini nga nangin kabangdanan sang iya kamatayon.
