KORONADAL CITY – Nadiskubrihan sang militar sa separar nga lugar sa North Cotabato ang duha ka suno pa factory sang armas kag eksplosibo sang grupo nga Bangsamoro Islamic Freedom Fighters (BIFF).
Una nga nadiskubrihan sang militar ang factory sang mga high powered firearms kag war materials sa Barangay Nabalawag, Midsayap, North Cotabato.
Ginpatigayon sang Joint Taskforce Central ang nasambit nga operasyon kaupod nag 602nd Brigade, 7th Infantry Battalion Philippine Army, 34th IB,62nd Division Reconnaissance Company, EOD Team kag sang Midsayap PNP .
Ginsundan ini sang pagkarekober sang ginapatihan hilimuan sang bomba kag mabaskog nga sahi sang Improvised Explosive Device uon IED kag mga materyales sa paghimo sang bomba sa Sitio Blah, Barangay Manaulanan, Pikit North Cotabato.
Kalakip sa mga narekober sang militar ang napulo ka Plastic Container, 1Liter Flash powder, Improvised Electric Blasting Cap, (1) Plastic Container 1Liter Flash Powder, (1) Firing Wire (20 mtrs), kag isa ka 12volts Battery.
Suno kay 6th ID commander MGen Diosdado Carreon, importante ang pagkarekober sang mga kuta sang BIFF bangud posible nga gamiton sang mga BIFF sa pagsalakay kag pagpanabotahe ang mga narekober nga mga eksplosibo sa selebrasyon sang Bag-ong tuig.
Apang, ginpasiguro man sang militar nga magabantay sa posible nga pag-atake kadungan sang selebarasyon sang Bag-ong Tuig
