KORONADAL CITY – Ginaawhag sang pamunuan sang Koronadal City Treasurer’s Office nga magreklamo ukon magdangop sa ila opisina kag mangin man sa kapulisan ang mga drivers sang delivery truck angot sa pagpanukot suno pa sang isa ka grupo sang Parking fee ukon labor fee.
Sa esklusibo nga interbyu sang Bombo Radyo Koronadal kay City Treasurer’s Marlon Gumbao, ginpahayag sini nga hugot nila nga ginapatuman ang ordinansa angot sa Delivery truck permit apang may pila suno ka persona nga adlaw-adlaw nga nagapanukot sang P500 tubtob P1000 sa mga delivery truck drivers nga ginapatihan taga-Cagayan.
Suno kay Gumbao, nagapakilala pa ang mga suspek nga tinawo sila sang empleyado sang City Hall kag ginasukot ang mga driver sang parking fee kag may ginapakita pa nga resibo apang hugot naman nga ginpanginwala ni Gumbao nga halin sa lokal nga gobyerno sang ang nasambit nga resibo.
Nagapati man si Gumbao nga minilyon na nga kantidad sang kwarta ang nakuha sang nasambit nga grupo sa mga drivers bangud masobra tinuig na suno pa nila ini nga ginahimo.
Sa karon, may yara na sang 2 ka persona nga ginkustodiya ang mga otoridad agud nga mahibaluan kun sino ang nagapaluyo diri kag agud nga matumod ang iban pa nila nga kaupdanan.
Nahibaluan nga ginbuyagyag sang pila ka delivery truck drivers nga my nagapanukot sa ila sang parking fee kag para man suno pa sa paghatag sang seguridad.
Nagtindog naman ng major complainant si Gumbao agud nga mauntat na ang kasubong nga pagpanunto ilabi na nga ginalamita ang pangalan sang Koronadal City Government.
