KORONADAL CITY – Naghatag sang pagpahanumdom ang PNP sa publiko agud nga malikawan ang kawatan sa tion sang kalag-kalag.
Sa esklusibo nga interbyu sang Bombo Radyo Koronadal kay Pol Lt Joenary Castañares sang Koronadal City PNP ginpaandaman sini ang mga pumuluyo nga antes magbiya sa puluy-an, siguraduhon nga nakakandado ang bintana kag pertahan kag sekyaron man nga wala sang maagyan ang kawatan.
Suno kay Castañares, himuson man ang mga importante nga pagkaboutang kasubong sang salakyan, bike kag iban pa.
Likawan man ang pagbutang sa marahalon nga pagkabutang sa bintana.
Maghalong man suno pa sa pagpost sa social media angot sa mga lugar nga ginalaktan.
Maayo man suno pa kun magpangayo sang bulig sa masaligan nga tupad balay nga bantayan ang puluy-an kag kuhaon ang numero sang mga otoridad agud nga gilayon nga makaresponder ang kapulisan kun may matabo nga insidente.
