KORONADAL CITY – Yara na sa kustodiya sang mga otoridad ang isa ka lalaki nga nasapwan nga may dala nga iligal nga druga makaligad nga ma-imbolbar sa isa ka disgrasya sa banwa sang Suralla, South Cotabato.
Sa report nga ginpalab-ot sa Bombo Radyo Koronadal, ang suspek ang ginkilala kay Mozed Alamada nga na-imbolbar sa isa ka disgrasya sa Allah Valley Drive, Brgy Libertad, nasambit nga banwa.
Nabisto lang sang mga otoridad ang dala nga iligal nga druga sang suspek sang ini ang gindangat sa Upper Valley Community Hospital.
Narekober sa suspek ang isa ka sachet sang ginapatihan shabu sa sulod sang kaha sang sigarilyo nga ginbutang sa iya nga bulsa.Magluwas sini, narekober man sa suspek ang mga drug paraphernalia.
Sa karon, pasakaan na ini sang kaso nga paglapas sa Comprehensive Dangerous Drugs Act of 2002.
