KORONADAL CITY – Gindayaw ni South Cotabato Governor ang pamunuan sang South Cotabato Rehabilitation and Detention Center kag iban pa nga yara sa likod agud nga mapunggan ang pagsulod sang iligal mga druga pinaagi sa pagka-arestar sa isa ka babaye nga nakuhaan sang 3 ka sachets sang iligal nga druga.
Ginapasalamatan ni Governor Reynaldo Tamayo Jr ang tanan nga mga jailguards sa pagpamuno ni Provincial Jailwarden Felicito Gumapac bangud sa paghimo sang hugot nga pagsekyar sa nga nagabista sa mga preso.
Ginpahayag man sang gobyernador nga madugay na nila nga ginasurveillance ang hulag sang suspek nga si Joy Marcera, 41 anyos kag residente sang Brgy. Avanceña, Koronadal City.
Madugay naman suno pa ginadudahan ang nasambit nga babaye nga amo ang nagapasulod sang iligal nga druga sa sulod sang jail.
Ginhatagan punto man sang gobernador nga dako nga accomplishments ang pag-arestar sa suspek agud nga matapna ang iligalidad sa sulod sa presuhan.
Kun Madumduman, ginabulubanta yara sa P100,000 ang balor sang druga nga nakuha sa suspek.
Samtang, ginpasiguro naman ni Provincial Jailwarden Felicito Gumapac ang hugot nga pagsekyar sa mg nagabisita sa sulod sang presuhan kag ginatunguha-an man nga matapna na ang iligal drug trade nga nagakatabo sa presuhan.
Una sini, gin-ako ni Gumapac nga ang nadakpan nga babaye ang anay na nakuhaan sang P17,000 nga kwarta nga hana man sini ihatag sang iya nga bana nga preso..//
