KORONADAL CITY- Isa ka dalaw nga babaye sang isa ka preso sang South Cotabato Rehabilitation and Detention Center ang nakuhaan sang 3 ka sachets sang iligal nga druga kaina lang sang aga.
Ini ang ginkumpirmar ni Felicito Gumapac, Provincial Jail Warden sang South Cotabato sa esklusibo nga interbyu sang Bombo Radyo Koronadal.
Suno kay Gumapac, ang suspek ang ginkilala kay Joy Gallego Marcera, 41-anyos, residente sang Prk Daisy, Brgy Avaceña, Koronadal City kag asawa sang isa ka preso sa Provincial Jail Facility nga ginkilala kay Jeffrey Marcera.
Ginsal-ot suno pa sang suspek ang mga pakete sang shabu sa iya nga sandal.
Ginpa-athag man sang Provincial Jail Warden nga anay na nadakpan ang nasambit ng babaye sa hana nga pagpasulod sang P17,000 nga kwarta sa sulod sang presuhan pinaagi sa pagsal-ot sa iya nga underwear..
Ang pagka-aresto suno pa sa suspek ang nagapakita nga ginapahugtan pa sang South Cotabato Rehabilitation and Detention Center ang ila nga pagpatuman sang pagsekyar sa mga nagasulod nga bisita.
