KORONADAL CITY- Ginbida sang South Cotabato PNP ang nagnubo nga numero sang kriminalidad nga napagkit sa bug-os nga probinsya.
Sa esklusibo nga interbyu sang Bombo Radyo Koronadal kay Pol Maj Rommy Castañares, Chief sang Provincial Community Affairs and Development sang South Cotabato PNP, ginpahayag sini nga yara na lamang sa 388 ang napagkit nga Index-Crimes sa probinsya humalin sang Enero tubtob Agosto 2019, mas manubo suno pa ini kun ikumparar sang nakaligad nga tuig nga yara naman sa 556 ang kaso sang krimen sa South Cotabato.
Nagnubo man suno pa ang crime cleared kun sa diin yara nalang ini sa 347 humalin sa 344 sang 2018.
Ang Crive Solved cases naman suno pa ang nagnubo man humalin sa 255 kag yara na lamang ini sa 215.
Samtang, nagsaka man suno pa ang crime clearance kag crime solution effecinecy sang PNP bangud man sa kooperasyon sang publiko kag mangin sa aktibo nga serbisyon sang mga PNP Investigastors.
Ang nasambit nga datos ang nagapamatuod lamang nga naghing epektibo ang pagpatigayon sang Crime Prevention efforts sang PNP.
Sa karon, hugot suno pa ang mandato ni Pol Col Joel Limson, Provincial Director sang South Cotabato PNP nga imonitor ang mga krimen sa kada banwa sa bugos nga probinsya.
Ginhingyo man sini ang kooperasyon sang publiko ang nga indi na magsaka pa ang numero sang kriminalidad sa probinsya.
Pinakadamo suno pa napagkit nga kaso amo ang motornapping, robbery kag murder.
