KORONADAL CITY – Nagpalab-ot na sang bulig ang Senator Ninoy Aquino (SNA) local government sa pamilya sang mag-iloy nga gin-anod sang tubig-baha sa nasambit nga lugar.
Ginkilala ang mga biktima nga sanday Ailyn Gogo, 46 anyos, kag ang 4 anyos nga bata sini nga babaye nga si alyas Lady nga lunsay mga miyembro sang tribo nga Manobo.
Suno sa SNA municipal disaster risk reduction and management council, ginatabok sang mag-ina ang Basag River sa Brgy. Poblacion sang gin-anod sila sang inanod sila mabaskog nga pag-ilig sang tubig.
Nasapwan naman sang rescue workers ang lawas sang mga biktima pagkahapon.
Bangud diri, ginmandoan ni SNA Mayor Randy Ecija Jr. ang mga barangay officials nga i-monitor ang water level sang mga suba agud malikawan nga maliwat ang nagluntad nga trahedya.
Kalakip sa mga naapektohan sang tubig-baha ang Brgy. Poblacion sa nasambit nga banwa bangud sa tubig-ulan halin sa mga kabukiran.
