KORONADAL CITY– Nagapadayon sa karon ang ginapatigayon nga clearing operations sang 6th Infantry Division Philippine Army makaligad maglunsar sang air at ground assaults batuk sa grupo sang Bangsamoro Islamic Freedom Fighters, Abu Toraife Terror Group kag mga foreign terrorist nga miyembro sang Indong-Indong terror group sa border sang Maguindanao kag North Cotabato.
Nahibaluan nga bag-o ginpatigayon ang operasyon may mga intel reports nga nabaton ang militar nga magapatigayon sang pagsinapol ang mga terorista nga grupo sa Barangay Kabasalan, Pikit NoCot nga border lang sang probinsya sang Maguindanao.
Bangud sini naglunsar sang air to ground assault ang militar kag gintarget ang kuta sang mga terorista kag ginahimuan sang bomba kun sa diin patay ang isa ka miyembro sang BIFF sa idalom sang grupo ni Kumander Eds Grapil apang sa pihak naman nga bahin, gina imbestigaran naman ang kamatayon sang isa ka tigulang nga babaye nga ginkilala kay Ali Masla kag pagkapilas sang bana sini kag apo nga lalaki nga nalamita lamang suno pa sa operasyon.
Sa karon nagapaayo pa sa balay bululngan ang pila ka sibilyan nga pilason sa nasambit nga insidente.
