KORONADAL CITY- Ginpasiguro sang South Cotabato Provincial Environment and Management Resources Office ang pagtutok sa mga campaign materials sang mga kandidato sa nagtakop nga May 13, 2019 midterm elections, ini ang kadungan sang panawagan sang Bombo Radyo Philippines sa mga kandidato kag mga campaigners sang mga ini nga baklason na ang ila mga election paraphernalia.
Sa interbyu sang Bombo Radyo Koronadal kay South Cotabato Provincial Environment and Management Resources Officer Siegfred Flaviano , ginpahayag sini nga may ginbutang na nga mga waste cleaners para sa pagkuha sang mga election paraphernalia sa bug-os nga probinsya.
Ginpahayag man sini nga may pila ka pulitiko nga pagataguon kag paga usaron nila sa liwat ang ila tarpaulins para sa magasunod nga eleksyon.
Luwas pa dire, may gina recycle man nga tarpaulins agud nga itabon sa atop sang mga balay, ginahimo nga bag , tulugan kag iban pa.
Kadungan sini gin-awhag man ang tanan nga mga kandidato nga magbulig sa pagbaklas sang ila mga election materials sa nagkalain lain nga mga lugar.
