Naglab-ot na sa singkwenta (50) ka ka tuig nga wala sang tulog ang 81-anyos nga lolo nga si Thai Ngoc sumugod nga siya ang gin-igo sang balatian sadtong tuig 1973.
Suno kay Ngoc, indi kapareho sang iya mga kakilala nga mga mangunguma nga nagapahuway sa gab-i, siya naman ang sige sa gihapon sa pagpanarabaho sa rason nga wala ini ginatuyo.
Sa pihak sang iya edad kag indi pagtulog, mabakod man sa gihapon ang iya lawas suno sa interview sang isa ka online newspaper nga Vietnamnet sadtong Hulyo 2023.
Suno sa iya, nakabatyag ini sang hisa sa iya mga upod sa balay kun makit-an niya ini nga hamuok ang tulog samtang siya ang indi makatulog.
Samtang sa isa ka documentary video, gin-obserrbahan sang YouTuber si Ngoc kun ini ang makatulog, apang wala gid natabo.
