KORONADAL CITY- 
Walo nga miyembro sang New People’s Army (NPA) nga may matag-as nga kalibre sang armas ang nagsungka sa 73rd Infantry Battalion (IB), Philippine Army matapos ang tatlo ka adlaw engkwentro sa Sitio Tangis, Barangay Datal Anggas, Alabel, Sarangani Province.
Nahibaluan nga nag-umpisa pa sang Pebrero 11 ang engkwentro sa tunga sang rebelde nga grupo kag militar nga nagadugay sang tatlo ka adlaw.
Ginkilala ang mga nagsungka nga sanday Simeon Salda, 28; Jun Moda, 20; Claude Palbe, 21; Garzon Palbe, 31; Rene Ompao, 24; Sabelo Colano, 20; Nonoy Sanama kag Morelo Sanama.
Nahibaluan nga magluwas sa mga nagsungka may mga nadakpan man nga rebelde ang mga otoridad kadungan sang nagluntad nga engkwentro.
Yara na sa kostudiya subong sang Alabel PNP ang mga ini kag ginapreparar na ang kaso batuk sa mga naaresto nga miyembro sang NPA samtang yara sa proseso sang enrollment sa Comprehensive Local Integration Program (CLIP) ang mga rebelde nga luyag magbalik sa kostudiya sang gobyerno.
