KORONADAL CITY – Ginpasiguro sang 6th Infantry Division Philippine Army nga naka preparar ang mga ini batok sa mga terorista kag lawless armed group nga luyag magtuga sang kalakasan sa rehiyon labi na sa probinsya sang Maguindanao.
Kasunod ini sang asud-asod nga pag-atake sang Bangsamoro Freedom Fighters (BIFF) sa mga banwa sang Datu Piang kag Shariff Aguak sang damlag lamang.
Sa eksklusibo nga interbyu sang Bombo Radyo Koronadal kay Lt. Col Anhouvic Atilano ang tigpamaba sang 6th Infanrty Division, naka-full alert status ang ila nga seguridad subong kun sa diin hugot nila nga ginabantayan ang mga checkpoints sa ila tagsa ka mga nasakupan.
Yara man ang presensiya sang mga tangke de giyera agud mahadlok ang mga terorista nga idayon ang ila mga plano.
Kun madumdoman, nakatunog ang 6th Infantry Division Philippine Army sa pag-atake kuntani sang yara sa 50 ka miyembro sang BIFF sa isa ka detachment sa Brgy. Labo-labu, Shariff Aguak kun sa diin nagdugay sang 20 minutos ang baylohanay sang lupok antes nag-isol ang mga terorista.
