KORONADAL CITY- Anum ang pilason sa natabo nga pagkarambola sang 3 ka salakyan sa Quezon Avenue Malvar St. Brgy. Poblacion, Tacurong City.
Ginainvolbaran ini sang isa ka traysikel nga may plate no. MA 65952 kun diin sakay sini ang mga biktima nga sanday Jerson Beton, 25 anyos, driver, Sahara Ancog, 27 anyos, isa ka nurse kag nagadala nga yara sa kritikal nga kondisyon samtang nalamita naman ang nagalakat lamang sa dalanon nga si Roy Paclibar, 52 anyos.
Pilason man ang sakay sang Hilux nga sanday Jaclyn Palma,15 anyos kag Jasper Ng ,25 anyos nga nagamaneho sang nasambit nga salakyan.
Samtang, pila pa sa pilason amo ang driver sang Isuzu Dmax nga may plate no. Na KFJ 770 kun diin gilayon ini nga gindala sa hospital kag ginakilala pa ang identity sini.
Suno sa driver sang Hilux madasig ang pagpadalagan sang Isuzu Dmax kag nadulaan sang break nga nagresulta sa pagkabunggo sini sa traysikel kag pagkarambola sang mga salakyan.
Sa subong nagapadayon pa ang imbestigasyon sang mga otoridad sa natabo nga aksidente.
