KORONADAL CITY – Personal nga nagpadulong sa waragwagan sang Bombo Radyo Koronadal ang bata sang isa ka OFW sa Saudi Arabia agud ipanawagan nga mapapauli ang iya iloy nga nagaobra sa nasambit nga pungsod.
Suno kay Yelen Mae Gazo, residente sang Brgy. Zone 3, Koronadal City sa interbyu sang Bombo Radyo, nga walao ka bulan na nga wala ginasweldohan ang iya iloy nga nagaobra sa Al Khobar.
Ginpakigbahin man ni Gazo nga indi na suno pa maantos sang iya 54 anyos nga iloy ang sexual harrassment nga ginahimo sang isa sa mga bata sang iya amo.
Sang una, wala niya ginseryoso ang pahayag sang iloy bangud 21 anyos lamang ang bata sang amo sini.
Apang sa kadugayon, nangin masami na ang mga bastos nga intensyon kun sa diin naglab-ot pa sa punto nga gin-interesan man sang lalaki mangin ang panty sang iya iloy.
Sa subong, suno kay Gazo, nagakabalaka ini sa iya kaluwasan kun sa diin nagatulog lamang sa comfort room sang balay ang iya iloy humalin sang naghalin ang iya Bangladeshi national.
