KORONADAL CITY- Tuman nga trauma subong ang nabatyagan sang 5 anyos nga bata nga babaye nga biktima sang pagpanglugos sa Brgy. Naci, Surallah, South Cotabato.
Sa ekslusibo nga interbyu sang Bombo Radyo Koronadal kay PCI Jardi Mont Sibal, ginkilala ang suspek sa pagpanglugos nga si alyas Lito, 23 anyos kag residente sang nasambit nga barangay kun sa diin ang biktima ang stepdaughter sang utod sini.
Nagluntad ang krimen takna alas 3 kahapon kun sa diin hubog ang bikgima sang pwersahan sini nga gindala sang tanuman sang tubo ang makaluluoy nga biktima kag didto ginlugos.
Sa nasambit nga krimen, may yara sang nakakita kag nagsugid ini sa Surallah PNP kun sa diin gilayon nga nagresponder ang kapulisan kag naghana pa nga magpalagyo ang suspek apang naarestar man ini.
Sa subong yara na ini sa kustodiya sang Surallah PNP kag natalana nga pasakaan sang kaso.
Ginakaalarma naman ang asud-asod nga kaso sang pagpanglugos sa mga bata sa probinsya sang South Cotabato kun sa diin brutal nga ginapatay ang iban.
