Padayon ang pagpangita sang mga rescuers sa mga nakaluwas kag missing matapos ang mabaskog nga flash flood sa border sang Nepal kag Tibet.
Gindala sang baha ang mga puluy-an, ginlubong ang mga dalan kag gin-anod ang mga taytay sa lugar.
Masobra 900 ka indibidwal ang ginareport nga missing, samtang indi magnubo sa 332 ang napatay sa Nepal.
Sa Tibet naman, masobra 558 ka indibidwal ang missing kag tatlo ang kumpirmado nga napatay, apang indi pa klaro kun may pag-overlap ang mga numero sa duha ka bahin sang border.
Ginatos man ka mga foreigner ang ginapangita, lakip ang mga turista halin sa India, Nepal, Estados Unidos kag United Kingdom.
Missing man ang pila ka army kag police personnel nga nagbulig sa operasyon sa lugar.
Suno sa US Geological Survey, posible nga gintuga ang baha sang pagkaguba sang glacier kag debris flow.
May kahadlok man nga magpadayon ang pagbaha bangud ang mga debris nagapugong sa normal nga pag-agos sang mga suba.
Samtang ginapadayon ang search and rescue operations, nagahulat man ang mga pamilya sang balita parte sa ila mga hinigugma nga nadala sang baha.
Sa tunga sang sini nga trahedya, padayon ang paglaum nga may madiskubre pa nga mga nakaluwas kag mabalik sa ila mga pamilya.
