3 suspek sa grenade explosion sa SulKud, ginpasakaan na sang kaso; babaye rason sang inaway

KORONADAL CITY– Napasaka na sang Tacurong City PNP ang kaso nga murder kag frustrated murder sa tatlo ka mga suspek sa pagpasigabong sang granada sa siyudad sang Tacurong sang bisperas sang bag-ong tuig nga ginkapatay sang 2 ka tawo kag ginkapilas sang 17 ka iban pa.
–
Ini ang ginpahayag ni Tacurong City PNP Chief of Police P/Supt. John Patrick Agabao sa interbyu sang Bombo Radyo Koronadal.

Ginkilala ang mga suspek nga sanday Nasser Baumol, 29 anyos isa ka mangunguma, Raheb Kasan Abdullah kag Nasrula Kudza.

Suno kay Agabao, naguwa sa ila nga imbestigasyon nga nag-ugat ang pagpaghaboy sang granada sa inaway sa sulod sang KTV Bar bangud sa entertainer.

Rason nga sa paguwa sang mga ini, nagluntad ang resulta sa pagpanghaboy sang granada.