KORONADAL CITY- Yara sa kustodiya na sa karun ang 7th Infantry (TAPAT) Battalion ang 16 ka mga armado nga gindis-armahan makaligad ang madinuguon nga Rido ukon Clan War sa Brgy. Kibudoc, Matalam, North Cotabato.
Nahibaluan nga nagtingob pwersa sa pagresponder ang Matalam Municipal Police kag 7th Infantry Battalion sa nasambit nga lugar kun sa diin nagluntad ang madinuguon nga Rido sa tunga sang grupo nanday Joel Bejanti, residente sang Brgy Estado, Matalam ka George Dilanggalen, Brigade Commander sang Pro-Misuari MNLF, nga nag-ugat sa madugay na nga away sa duta nga nagresulta sa tatlo ka patay, nga ginkilala nga sanday Tata Angeles, 25 anyos, George Dilanggalen, 50 anyos kag During Panga, 40 anyos samtabg tatlo naman ang pilason nga sanday Jomer Intol Sultan, 17 anyos, Samsudin Dilanggalen, 18 anyos ka Datu Ali Sultan, 23 anyos.
Narekober naman sa mga naarestar nga mga armado nga kalalakihan ang 5 Rifle Cal. 30 M1 Carbine, 2 Rifle Cal. 30 Garand, Dalawang 2 Rifle 7.62mm M14, Anim 6 Rifle 5.56mm M16 A1, 2 ka 40mm M79 Grenade Launcher (Homemade), 15 ka Magazine M14, 13 ka Long Magazine M16 , 19 ka Ammunition Cal. 30 Garand, kag Dalawang 2 ka Rifle Grenade.
