Arestado ang isa ka lalaki matapos nga nagkulob ang speedboat malapit sa Statue of Liberty sa New York nga nagresulta sa kamatayon sang isa ka iloy kag sang iya lima ka bulan nga lapsag. Suno sa kapulisan, natabo ang insidente sang Sabado sang gab-i malapit sa Liberty Island. Dose ka mga tawo ang ginreport nga naluwas sa tubig kasunod sang insidente.
Ginkilala ang mga napatay nga sanday Sara, 27 anyos kag ang iya lapsag nga si Antonella. Samtang, arestado naman ang suspek nga si Manuel Hernandez, 46 anyos kag nagapangatubang sang 13 ka kaso nga reckless endangerment.Ang mga federal prosecutor nagpahayag nga si Hernandez yara sa karon sa kustodiya sang gobyerno samtang nagapadayon ang imbestigasyon.
Gin-anunsyo sang isa ka Italian restaurant sa Manhattan, sa diin nagatrabaho ang bana ni Sanchez nga si Andres Garcia, nga naglunsar sila sang online fundraiser agud buligan ang pamilya.
