BANGA, SOUTH COTABATO – Duha ang tigayon nga ginbawian sang kabuhi samtang pito naman ang pilason sa nagluntad nga masaker sa Prk Pag-asa, Brgy. Rizal, Banga, South Cotabato.
Ginkilala ni Police Major Joseph Forro III, hepe sang Banga PNP ang mga napatay nga sanday Jesmond Magno, 11 anyos, kag Zeleny Magno, yara sa legal nga edad kag residente sang nasambit nga lugar.
Sandig sa inisyal imbestigasyon sang mga otoridad, naakig suno pa ang suspek nga ginkilala kay Paul Bautista bangud suno sa mga pagpakamalaot halin sa iya nga ugangan kabangdanan nga nagkuha ini sang lagaraw kag gin labo ang mga iya sini nga mga himata ilabi na ang manak/stepson sini nga si alyas Mon-Mon.
Magluwas sa mga napatay, pilason man mismo ang asawa sini nga si Monlene, Magno-Bautista, Edmund Magno, Renante Magno, Albert Ramos, kag Zeny Ramos.
Tuman naman ang kasubo sang Pamilya Magno, Ramos kag Bautista sa natabo ilabi na nga indi nila ginalauman nga himuon sang suspek ang makaringidlis nga krimen bangud sa sala nga ihibalo sini.
Sa subong ginapangita na sang mga otoridad si Bautista makaligad nagpalagyo sa ginhimo nga nasambit nga insidente.
