KORONADAL CITY-Boluntaryo nga nagsungka sa mga otoridad ang isa ka high ranking leader ng Central Musa, Guerilla Front Musa, Far South Mindanao Region ng New Peoples Army (NPA-FSMR) kaupod na ang 11 ka mga kaupdanan sini sa probinsya sang Sultan Kudarat.
Suno kay Lieutenant Colonel Romel Valencia, Commanding Officer ng 7th Infantry Battalion ang nasambit nga mga reblede ang naghalin sa banwa sang Isulan kag Senator Ninoy Aquino (SNA).
Una na nga nag sungka ang grupo ni alias Simon, Platoon Commander sang Central Musa, Guerilla Front Musa kag 6 ka mga kaupdanan sini.
Bitbit sang mga ini sa ila nga pagsungka ang 5 ka high powered firearms nga ginalakipan sang isa ka 7.62mm M14 rifle, 2 ka calibre .30 Garand rifles,isa ka Browning Automatic Rifle o (BAR), isa ka caliber .45 pistol, kag duha ka homemade 12 gauge shotgun.
Nagsunod man sa pag sungka ang grupo nanday Pinaso Pugoyan kag 4 ka mga kaupdanan sini sa Platoon Dabu-dabu ,EDF,SCRD FSMR.
Lakip sa pag sungka man sang mga ini ang ila nga mga armas kag mga bala nga dala sa pagpakigbato sa gobyerno.
Nahuna-hunaan suno pa sang mga ini nga mag sungka para sa kalinong sang ila nga pamilya makaligad nga mapatay sang mga militar si Ka Oris.
Ginpasiguro naman sang mga opisyal sang mga militar nga makabaton bulig ang mga nagsungka nga mga reblde sa idalom sang Enhanced Comprehensive Local Integration Program o ECLIP.
