KORONADAL CITY – Isa ang napagkit nga biktima sang palupok sa pagsug-alaw sang bag-ong tuig sa probinsiya sang South Cotabato kadunagn sang magahod nga pagsaulog sang katawhan.
Sa interbyu sang Bombo Radyo Koronadal kay Rolly Doane Aquino, Operations and Warning chief sang South COtabato Provincial Disaster Risk Reduction and Management Office (PDRRMO), gindangat sa hospital ang isa ka 19 anyos nga biktima nga nalukpan sang palupok sa iya nga nawong.
Apang ginahibalo pa kun ano nga sahi sang palupok ang nakaigo sa biktima.
Magluwas sini, yara sa anom ka kaso naman sang vehicular accident ang ila napagkit antes kag makaligad ang pagsug-alaw sa bag-ong tuig.
Magapadayon naman ang pagtutok sang mga ini tubtob sa madason nga adlaw agud mahibaluan ang kabug-usan sang mga nabiktima sang palupok sa sini nga tuig.
