KORONADAL CITY- Nagapadayon sa gihapon ang imbestigasyon sang Koronadal City PNP sa nagluntad nga pagpanghurikap sang isa ka lalaki sa iya kaupod sa ilimnan sa isa ka bar sa syudad sang Koronadal nga nagresulta sa rambol.
Sa intebyu sang Bombo Radyo Koronadal kay alyas Jay-ar nakaangkon suno pa sila sang drinking session kaupod ang ila mga barkada nga sanday alyas Renz kag alyas Bob sa isa ka bar kun sa diin nakit-an nila sa pihak nga table ang isa ka lalaki nga nagaisahanun nga naga-inom.
Ila suno pa nga gin-imbitaran ang lalaki sa ila nga table kag samtang nalingaw sila sa ila nga drinking session, ginhurikap suno pa sang nasambit nga lalaki ang kinatawo ni alyas Renz.
Samtang sang papauli na ini sa ila nagpahayag si Renz sa nagluntad nga pagpanghurikap sa iya sang lalaki kag tuman ini nga nainsultuhan kun sa diin ginbalikan nila ang lalaki sa bar agud tani nga kumpruntahon.
Una nga nagsulod sa bar si Jay-ar kag pag-abot didto wala na ang lalaki sa table apang pagwa sini tuman ang kakibot nga duguan ang abyan nga si Renz nga amuh man ang ginhurikap bag-o pa magluntad ang rambol.
Sa karun nagapadayon pa ang imbestigasyon sang Koronadal City PNP.
