MLANG, COTABATO – Binawian sang buhay ang isang motorista habang nasa kritikal na kondisyon naman ang dalawang iba pa sa nangyaring banggan sa Purok 5, National Highway, Bialong Mlang, Cotabato.
Kinilala ang nasawing biktima na si alyas Jocelyn, 53 taong gulang, residente ng Purok 6 Malayan, Mlang, Cotabato back rider ng motorsiklo na minamaneho ng mister nitong si Alyas Edgar,59 na taong gulang na nasa malubha rin ang kondisyon.
Samantala, ang driver ng motorsiklo na nakabundol sa mag-asawa ay si Alyas Jonald, 21 taong gulang at residente ng Purok San Pablo Tacurong City na patuloy na inoobserbahan sa Mlang District Hospital.
Napag-alaman na base sa narekober na ID ng nakabundol sa mag-asawa na magbibirthday pa sana ito bukas, January 29.
Sa ngayon, nagpapatuloy ang imbestigasyon ng pulisya sa nangyaring aksidente sa daan.
Patuloy namana ng panawagan ng mga otoridad na mag-ingat sa pagmamaneho upang maiwasan ang aksidente sa daan.
