Gin-kumpirma sang Department of Health nga magalabot sa walo ka lugar ang ila ginapaabot nga ipadalom sa deklarasyon sang dengue outbreak.
Ini ang resulta sang pagsaka sang kaso sini sa mga nagligad nga semana.
Suno kay DOH spokesperson Assistant Secretary Albert Domingo, kadam-an sa mga lugar nga ini halin sa Metro Manila, Central Luzon, kag pati sa bahin sang Calabarzon.
Suno saiya, sa sulod sang tatlo ka rehiyon, may siyam ka lokal nga gobyerno nga may pagsaka sang kaso sang Dengue, kag isa na diri ang syudad sang Quezon.
Una na nga nagdeklarar sang dengue outbreak ang QC tungod sang padayon nga pagdamo sang kaso sang Dengue sa syudad, kun sa diin nag-abot na sa walo ka indibidwal ang narekord nga napatay tungod sang virus sa sining tuig lang.
