Ginapahayag ni Bise Presidente Sara Duterte nga dapat sulayan sang iya utod nga si Davao City Rep. Paolo “Pulong” Duterte ang pagdalagan bilang Speaker sang Kamara sa palaabuton nga ika-20 nga Kongreso.
Kon indi siya magdaog, ginpangabay niya nga magpabilin na lang ini bilang Minority Leader.
Suno kay Sara, wala pa sang bisan sin-o nga nagpalapit sa iya agud mangayo sang bendisyon sa pagdalagan bilang Speaker ukon Senate President.
Sa isa ka panayam pagkatapos sang misa sang pasalamat sa Davao City sang Mayo 17, ginpahayag niya nga ginpamangkot na niya si Congressman Pulong parte sa posibilidad nga kandidatura, apang wala ini nagbaton ukon nagsabat.
Samtang, naga-gwa man ang ngalan ni Navotas Rep. Toby Tiangco bilang posible nga magbulos kay House Speaker Martin Romualdez.
Apang suno kay Deputy Speaker David Suarez, daku gihapon ang suporta kay Romualdez nga may 240 ka mga mamalidha nga nagpirma sa manifesto nga naga-suporta sa iya pagpabilin bilang lider sang Kamara.
Gina-expectar nga may pormal nga deklarasyon sang suporta antes magsugod ang ika-20 nga Kongreso sa Hulyo, 2025.
