Isa ang patay samtang 4 ang gindala sa balay bulungan sa nasambit nga vehicular accident nga nagluntad sa bahin sang Provincial Road Sakop sang Purok Prospero, Brgy. General Santos sa syudad sang Koronadal ini ang nagin pahayag ni Pmsgt. Leo Dimaculangan ang Traffic Investigator sang Koronadal PNP sa interview sang bombo Radyo Korondal.
Ginkilala ni Dimaculangan sakay sang Honda Crf150 nga ginamaneho ni Jobert Allas 21 anyos residente sang Brgy.Tubi-ala,Surallah South Cotabato, ang backride nga nobya sini nga si Angelica Nonong 23 anyos dalaga,residente sang Brgy.Namnama sa Syudad sang Korondal samtang ang sakay sang topdown amo nga ginamaneho ni Elmer Pastrana 44 anyos kag ang mga pasahero sini nga sila Mark Quilamor 27 anyos, kag ang napatay nga si alyas Balong” Estabillo 24 anyos soltero nga lunsay mga residente sang Brgy.Tamnag sa banwa sang Lutayan, Sultan Kudarat.
Suno kay Dimaculangan yara sa opposite directions ang duha ka salakyan sang gin-agaw sang topdown ang linya sang CRF kag nagluntad ang aksidente.
Suno sa nakuha nga cctv sang kapulisan makit-an nga madasig ang pagpadalagan sang duha ka salakyan.
Ginapatihan man sa karon nga yara sa impluwensya sang makahulubog nga ilimnon ang sakay sang topdown.
Sa karon napadayon nga nagapabulong ang mga pilason sa balay bulungan.
Nagpaalinton man sa karon ang Koronadal City PNP Traffic section indi magbyahe kung yara sa impluwesnya sang makahulubog nga ilimnon ilbai na sa karon nga holiday season.
