-- ADVERTISEMENT --
Nagpromisa si US Presidente Joe Biden sang 4-Billion dollar nga kontribusyon sang Amerika sa International Development Association Fund sang World Bank para sa pigado nga mga pungsod sa bug-os kalibutan.
Ginhimo ni Biden ang pahayag nga 3-year US Pledge sa isa ka closed session sang Grupo sang 20 Summit sa Rio de Janiero kung sa diin ang US treasury ang magapanguna sa mga negosasyon sa World bank para sa Fund replenishment.
Ang bag-o nga pledge na ini sang Amerika ang sobra sang 3.5 billion US dollar sa nauna nga ginpromisa sang US sang Disyembre 2021.
Samtang indi man klaro sa karon kun dawaton sang US President-elect Donald Trump ang promisa ni Biden.
